Значителен раст на цената на златото – Слободен печат
ВестиЕкономија

Значителен раст на цената на златото

Ова е највисоко ниво од април 2013 година и раст од 20 проценти само оваа година.

Падот на азиските берзи ја зголемија цената на златото на шестгодишен максимум, бидејќи инвеститорите бараат сигурно засолниште за капиталот.

Цената на златото достигна 1.550 долари рано утрово, највисоко ниво од април 2013 година и раст од 20 проценти само оваа година.

Таквиот пораст на цената на златото е резултат на заострувањето на трговскиот конфликт меѓу Вашингтон и Пекинг во текот на изминатиот викенд, што предизвика пад на акциите, обврзниците и цените на суровините.

„Поради сигналот за економски превирања, видовме промена на потезите на инвеститорите кон безбедни средства како златото”, изјави Мадхави Мехта, аналитичар на „Кодак секјуритиз”, додавајќи дека оптимизмот во врска со златото обично расте со пораст на неизвесноста за глобалните пазари на капитал.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close