„Златните“ шампионки од Литванија ќе играат на Светското првенство 2022
Македонската женска кадетска репрезентација која го освои трофејот на ЕХФ шампионатот во Литванија (У17) си обезбеди пласман на Мундијалот во Грузија следната година..
А покрај тоа, избраничките на селекторот Љубомир Савевски ќе настапат уште на Европското првенство за кадетки и младинки во 2023 година.
Европската ракометна федерација (ЕХФ) ги објави репрезентациите, вкупно 15, кои ќе бидат дел од СП 2022.
13 репрезентации доаѓаат од минатото ЕП, тие се: Унгарија Германија, Русија, Данска, Хрватска, Норвешка, Романија, Црна Гора, Швајцарија, Португалија, Франција, Шведска и Чешка.
Домаќинот, организаторот на СП, Грузија, како и две селекции, победници од ЕХФ шампионатите во Грузија и Литванија, репрезентациите на Холандија и Македонија.
Резерви кои ќе чекаат за настап на СП се Австрија, Словачка и Словенија. Мундијалот во Грузија ќе се одржи од 3-14 август 2022 година.