Жената која пред четири години прегази 13-годишно момче доби три години казна затвор
Кривичен суд денеска пресуди 3 години затвор за Маја Лукаревска, жената која пред четири години го прегази Давид Ангеловски во Скопје.
Сообраќајката се случи на булеварот Илинденска кај Фонтаната кај Градски парк на 18 септември во 2015-година.
Давид со велосипедот поминувал на пешачки, на булеварот кадешто во тој момент не работеле семафорите.
Пресудата ја изрече судијката Софија Лаличиќ, која порача дека оваа одлука треба да одекне како предупредување за поголемо внимание за почитување на законите и сообраќајните правила. Лукаревска во текот на процесот се изјаснуваше за невина