Желбите на Пандев: Македонија да игра на ЕВРО 2020 и Џенова да остане во Серија А
Капитенот на македонската репрезентација во интервју за „Ил Секоло“ зборува за очекувањата во 2020 година.
Горан Пандев за годинава има дне големи желби, едната е поврзаната на репрезентативно поле, а втората на клупско.
Капитенот на „црвено-жолтите“ посакува Македонија годинава за прв пат во историјата да настапи на Европско првенство, додека втората е неговиот клуб Џенова да обезбеди опстанок во Серија А.
Македонија на 26 март ја очекува полуфиналниот дуел од Лигата на нациите против Косово, а доколку успешно ја помине оваа пречка, репрезнетативците би играле во финалето против подобриот од второто полуфинале Грузија – Белорусија.
– Македонија да игра на Европско и Џенова да остане во Серија А. Тоа се моите желби за 2020 година и морам да кажам дека се навистина реални, иако сите треба максимално да се потрудиме. На 26 март играме со Косово и тоа е животна шанса за мојата репрезентација. Ова е моја петта година во Џенова и тука се чувствувам како „дома“. Играм во најстариот клуб во Италија и секоја недела се чувствувам убаво кога ќе го облечам дресот. Кога ќе заминам во пензија? Не размислувам за тоа, ми влијаат и пријателите кои велат – играј додека се забавуваш и тие убаво. Сакам да ја завршам кариерата на убав начин – рече Пандев.