Зеленски ја бара помошта на САД – во спротивно Украина „ќе мора да се повлече“
Првиот човек на Украина предупредува дека недостигот на финансии може да ги загрози големите украински градови. Додека Бајден се обидува да протурка пакетот мерки – помош од 60 милијарди долари за Украина кој е блокиран во Претставничкиот дом од страна на републиканците, Зеленски предупредува дека украинските сили ќе мора да отстапат поголема територија на Русија.
„Ако нема американска поддршка, тоа значи дека немаме противвоздушна одбрана, ракети Патриот, уреди за попречување на електронското војување, артилериски гранати од 155 милиметри. Тоа значи дека ќе се вратиме, ќе се повлекуваме, чекор по чекор, со мали чекори“, вели Зеленски.
Според него, Украина ќе биде принудена да ги штеди ресурсите што може да има сериозни последици во понатамошниот тек на војната.
„Ако ви требаат 8.000 куршуми дневно за да ја одбраните линијата на фронтот, а имате само, на пример, 2.000 гранати, немате друг избор освен да работите помалку. Ако пукне, Русите би можеле да ги нападнат големите градови“, заклучи Зеленски.