Здружението на оштетени штедачи на Еуростандард банка утре ќе одржи протест пред Собрание
Здружението на оштетени штедачи на Еуростандард Банка утре во 15 часот ќе одржат трет протест, овој пат пред Собранието каде во исто време ќе се одржува надзорната расправа на која ќе учествува и претставник од Здружението.
„Како што можете да видите сите кои нешто “значат” во банкарскиот систем се поканети. Е сега, дали истите тие се вмешани во овој ОРГАНИЗИРАН КРИМИНАЛ наречен пропаѓање на Еуростандард Банка ќе ни покаже токму оваа надзорна расправа и одговорите нивни на прашањата на пратениците и на Здружението кое учествуваше во подготовките.
Покана имаат уредно добиено сите наведени на листата, е сега колку од нив ќе ја прифатат и се појават пред ова прво “Рочиште на Правдата за Штедачите” или нема да ја прифатат времето ќе ни покаже нели?
Ние како Здружение можеме со сигурност да потврдиме дека ќе присуствуваме внатре но и надвор пред Собрание!“, соопштија од Здружението на оштетени штедачи.