9 C
Скопје

Зариф: Ќе го почитуваме нуклеарниот договор ако тоа го направат САД и ЕУ

Шефот на иранската дипломатија Мохамед Џавад Зариф на денешната виртуелна конференција во Рим изјави дека Техеран во целост ќего почитува Меѓународниот договор за иранската нуклеарна програма од 2015 година доколку САД и Европска Унија ги исполнат своите ветувања.

Тој додаде дека за така наречениот Заеднички сеопфатен план за акција не треба да се преговара и укажа дека САД имаат одредени обврски и не се во позиција да поставуваат услови.

Иранските власти вчера изгласаа закон со кој се обврзува Владата да ги запре инспекциите на Обединети нации во своите нуклерани постројки и да отпочне збогатување на ураниум, доколку во рок од два месеца не се намалат санкциите кон Иран.

– Владата ќе го примени овој закон без оглед на тоа што не сакаше да го усвои, посочи Зариф.

Прочитајте и...  ГАЛЕРИЈА: Скопје во осмомартовска атмосфера

Тој додаде дека економските санкции што ги воведе администрацијата на американскиот претседател ДоналдТрамп скапо ги чинат граѓаните на Иран и оневозможија купување на лекови и вакцина против пандемијата.

– Тоа е злосторство против човештвото, посочи Зариф.

Иранскиот министер за надворешни работи додаде дека санкциите на САД ги спречија европските компании да работат во Иран.

– Европа тврди дека го почитува договорот, но не гледаме компании од ЕУ да имаат деловна активност во Иран, да купуваат нафта од нас, да испраќаат пари во нашите банки, истакнаЗариф.

Тој изрази надеж дека соседните арапски држави ќе отпочнат дијалог со Техеран откао ќе истече мандатот на Трамп.

Трамп во 2018 година ги еднострано ги повлече САД од Договорот со образложение дека Техеран не направил доволно да ги ограничи иранските нуклеарни и ракетни програми, ниту да го намали военото влијание во Среден Исток. По повлекувањето од Договорот, САД повторно воведоа санкции кон Иран.

Прочитајте и...  Кина станува најголема поморска сила: Изгради огромна флота, а веќе има и прва цел

Новоизбраниот американски претседател Џо Бајден вчера во интервју за „Њујорк тајмс” изјави дека сака брзи нови преговори со Иран, но со консултации со сојузниците на САД по повторното придружување на Меѓународниот договор за иранската нуклеарна програма.
– Најдобар начин за да се постигне извесна стабилност во регионот е разгледување на иранската нуклеарна програма. Ако Иран има атомска бомба, тогаш во Блискиот Исток би настанала трка за нуклеарно вооружување, а тоа е последна работа што е потребна во тој дел од светот, посочи Бајден.

„Њујорк тајмс” наведе дека новите преговори би се однесувале и на дополнителни нуклеарни ограничувања, како и на активностите на иранските сојузници – Либан, Ирак, Сирија и Јемен.

Прочитајте и...  Обвинет во случајот „Тортура“ објасни како бил лишен од слобода Љубе Бошкоски

Вестникот исто така истакна дека Бајден покрај консултациите со земјите-потписнички на Договорот (Кина, Русија, Франција, Германија и Велика Британија) ќе разговара и со земјите ривали на Иран – Саудиска Арабија и Обединети Арапски Емирати.

Извор:МИА

Поврзани вести

Груби: Успешните жени на нашите заедници се пример за општеството

Слободен печат

Приведен крадец од Скопје, извршил 33 кражби во Битола и Охрид

Слободен печат

КФС: Финансискиот систем успешно им одговори на предизвиците од корона-кризата

Маја Терзиова

Венко Филипче: Инспекторатите имаат зголемени ингеренции

Слободен печат

ФОТО + ВИДЕО | Непостапувањето е учество: Со полициски сирени започна Осмомартовскиот протестен марш

Михаило Донев

Шекеринска: Денеска не е само ден на жените, денеска треба да биде и ден на женската солидарност

Слободен печат

Остави Коментар