Заев: Секој кој ќе нападне полицаец, ќе се соочи со законот
Најостро го осудувам насилството врз полицајците од страна на дивокрадците во велешко. Насилството врз полицијата е сериозно кривично дело и такви постапки и однесување нема да се толерираат, напиша премиерот Зоран Заев.
-Секој кој ќе нападне полицаец или друг службеник кој се грижи за безбедноста на граѓаните, ќе се соочи со законот и ќе претрпи сериозни правни последици. За поздравување е ефикасната акција на полицијата за приведување на насилниците, по што очекувам брза постапка и на Јавното обвинителство како одговор на принципот за нула прифатливост за насилство врз припадниците на Министерството за внатрешни работи. Бесправната сеча на шумите е сериозно кривично дело и загрозување на шумите како природно богатство и во таа насока ниту едно насилство предизвикано од дивокрадците и криминалните групи, нема да ги спречи припадниците на полицијата и овластените службеници да го заштитуваат јавното добро кое им припаѓа на граѓаните- стои во објавата на премиерот.
На повредените припадници на безбедносните сили Заев им посака брзо закрепнување и што поскоро враќање кај своите семејства и на своите работни места.
Најостро го осудувам насилството врз полицајците од страна на дивокрадците во велешко. Насилството врз полицијата е…
Publiée par Zoran Zaev sur Vendredi 25 septembre 2020