Заев ги повика Мицкоски, Ахмети и Села на лидерска средба во петок
Премиерот Зоран Заев го повика лидерот на опозициската ВМРО-ДПМНЕ, Христијан Мицкоски на лидерска средба во петок во 14 часот во Клубот на пратеници.
Тој упати покана и до лидерот на ДУИ, Али Ахмети и лидерот на Алијанса за Албанците, Зијадин Села.
Тема на лидерската средба Заев предлага да бидат Законот за СЈО, Законот за попис и Изборниот законик.
Заев потенцираше дека сега не треба да се оди на предвремени парламентарни избори, туку да се посвети внимание на економските прашања.
Тој е подготвен да разговара за избори најрано во октомври 2020 година што, како што рече, влегува во редовниот термин.
– Ако сакавме предвремени парламентарни избори ќе ги направевме заедно со претседателските – нагласи Заев.
ВМРО-ДПМНЕ: Поканата за лидерска средба дополнително ќе се анализира