Во струшката болница од мали сипаници заболеле 34 вработени, соопшти денеска Државниот санитарен и здравствен инспекторат.

– Таму имаме седум од хирургија и седум заболени од анестезија. Вкупно заболени во струшката болница се 34. Значи не се само на споменатите одделенија. Во тек на денешниот или утрешниот ден се прибираат податоци, дали директорот има постапено по наредбата од министерот, дали има одбиено од веќе инфицираните колеги, дали одбиле да се вакцинираат. Доколку имаме такви податоци секако дека ќе се преземат соодветни законски одговорности – кажа Ирина Бухова, директор на Државниот санитарен и здравствен инспекторат.

Инаку поради бројот на заболени од морбили од вчера целосно е затворено хируршкото одделение во оваа болница, а пациентите се препраѓаат во други болници.