Во Хрватска нема школо додека игра репрезентацијата, учениците може да се ослободат од настава
Хрватскиот министер за образование Радован Фукс најави можност учениците да бидат ослободени од настава за време на натпреварите на хрватската репрезентација на Светското првенство. Министерот истакна дека пропуштената настава поради гледање на натпреварот ќе мора да се надомести.
Родители на средно училиште во Задар добиле порака дека наставниот совет одлучил во среда да ги скрати часовите поради натпреварот на хрватската фудбалска репрезентација. Бидејќи мечот започнува во 11 часот, децата ќе го завршат училиштето во 10.30 часот. За учениците кои сакаат, училиштето ќе организира следење на натпреварот во своите простории.
Krenulo je 🤦🏼♀️ ⚽️Nakon što je ministar #Fuchs u #DnevnikuNoveTV profesorima poručio da satnicu mogu prilagoditi utakmicama Svjetskog nogometnog prvenstva, roditelji jedne srednje škole u Zadru dobili su ovu poruku… #igrajmojaHrvatska 🇭🇷 @DNEVNIKhr @novahr pic.twitter.com/n7fvjcENlL
— Sanja Jurisic (@JurisicNovaTV) November 20, 2022
„За да можеме да организираме настава потребна ни е вашата согласност, бидејќи училиштето не може да преземе одговорност за незгоди или инциденти кои може да се случат по завршувањето на наставата“, се вели во пораката со која се бара согласност од родителите.