Во Црна Гора во последните 24 часа од последиците на коронавирусот починаа уште три лица, додека од 614 лабораториски примероци потврдени се 95 нови случаи на зараза, соопштија од Институтот за јавно здравје.

Пријавени се и два случаи на опоравување од Подгорица, а вкупниот број на опоравени од 14 јуни е 72 лица, додека бројот на починати од почетокот на јуни порасна на 26.

Вкупниот број активни случаи во Црна Гора е 1.861. Во Подгорица активни се 724 случаи на зараза од коронавирус, во Рожај 239, Бијело Поље 177, Никшиќ 119, Беране 90, Будва 80, Котор 79, Бар 78 и Плевља 70.

Во Цетиње се активни 63 случаи на заболување од ковид-19, Херцег Нови 45, Тиват 38, Улцињ 18, Гусиње 17, Петница 11, Даниловград 7, во Тузи и Жабљак по два и во Андријевица и Колашин по еден.