ВМРО-ДПМНЕ: Се бележат црни рекорди од ковид-19, Филипче мора да поднесе оставка
Министерот Венко Филипче мора што побрзо да даде оставка од функцијата за да се спасат што повеќе животи, се вели во денешното соопштение на ВМРО-ДПМНЕ од каде потсетуваат дека бројката на починати достигнати скоро 800 лица.
– Бројката на новозаразени во едно деноноќие надмина 20 проценти од тестираните. Се бележат црни рекори. Дали Филипче е свесен за ова? – Дали е свесен со што се соочуваат граѓаните?“, прашуваат од опозициската партија.
Од ВМРО-ДПМНЕ забележуваат дека „ветените 16 монтажни болници со кои се пофали Филипче пред изборите на 10 јули, ги нема никаде“.
– Медицинскиот кадар со кој и онака се кубури земјава, почна да ги напуштаат јавните здравствени установи. За погрешните политики и катастрофалните последици Филипче мора да поднесе оставка, се вели во опозицискиот допис до јавноста.