ВМФЛ: Победи на фаворите Пелистер, Беса и Детонит
Покрај натпреварот од ПМФЛ помеѓу Работнички и Струга Трим, Лум денеска на македонските терени се играа и второлигашот. Фаворитите Пелистер, Беса и Детоните јуниор не дозволија изненадувања и славеа победи.
Пелистер славеше убедлива победа од 4:1 против Караороман, откако во првиот дел голови постигнаа Михаил Талевски и Благоја Љамчевски.Во вториот дел Талевски погоди по вторпат, а во листата на стрелци се запиша и Стефан Костов.
Беса ја оправда фаворитската улога со победа против Кожуф од 2:0, додека Детонит со истиот резултат го совлада Тетекс.
Важни три бода освои Скопје кој го победи Охрид со 3:0, додека Вардар Неготино и Арсими ремизираа без голови. Немаше победник и на натпреварите Новаци – Победа (2:2) и Беласица – Осогово (1:1). Минимален триумф запиша Каменица Саса со Башкими 1:0.
На табелата Беса е прва со 54 бодови, Пелистер има 48, додека Детонит е трет со 45.