Двете првопласирани екипи во Втората македонска лига, Беса и Пелистер забележаа нови победи во денешните натпревари од 23. коло.

Беса беше подобра од Вардар Неготино со 1:0. Одлучувачкиот момент се случи во 70. минута кога Изаир Емини го постигна единствениот гол на средбата.

Победа со истиот резултат забележа и Пелистер на гости кај Скопје. Човек на одлука од редовите на битолскиот состав беше Михаил Талевски.

Третопласираниот Детонит ремизираше со победа 1:1. Со голот на Давид Дебрешлиоски Победа поведе, а Иван Настевски се погрижи за конечни 1:1.

На табелата Беса е лидер со 60 бодови, шест помалку има Пелистер, додека Детонит на третата има 46.

ОСТАНАТИ РЕЗУЛТАТИ:

Арсими – Охрид 0-0
Караорман – Тетекс 1-4
Каменица Саса – Осогово 2-1
Кожув – Башкими 2-0
Новаци – Беласица 1-3