Виљареал по вторпат оваа сезона го смени тренерот
Шпанскиот фудбалски прволигаш, Виљареал по вторпат оваа сезона го смени тренерот.
Клубот објави дека е раскинат договорот со Пачета (50) кој пред само два месеци седна на клупата на местото на Кике Сетиен кој брзо доби отказ по лошиот старт на сезоната.
Виљареал во овој момент се наоѓа на 13. место на табелата во Примера со 12 бодови по 12 кола, а тимот утре му гостува на Атлетико Мадрид. Во натпреварот против „јорганџиите“ на клупата ќе биде Мигел Анхел Тена.
Се очекува по репрезентативната пауза за нов тренер на Виљареал да биде промовиран Марселињо кој го водеше тимот четири години од 2012 до 2016 година. Претходно оваа година тој ја напушти тренерската позиција во Марсеј.
Comunicado oficial: José Rojo Martín ‘Pacheta’. pic.twitter.com/dbyfWkXG6t
— Villarreal CF (@VillarrealCF) November 10, 2023