Претседателот на Србија Александар Вучиќ по неформалната вечера во Атина изјави дека премиерот Димитар Ковачевски многу силно реагирал против Албин Курти за тоа што го направи во Тетово и тоа јавно.

Вучиќ им се извини на македонските граѓани за изјавата на српскиот министер за одбрана дека Македонија и Црна Гора и згрешиле на Србија со признавањето на Косово.

„Димитар Ковачевски многу силно реагираше против Албин Курти, поради она што го направи во Тетово, многу силно, јавно и отворено. Тука само сакам да ги замолам нашите официјални лица , и кога немаат намера да бидат повнимателни. И затоа, синоќа долго разговарав со г-д Ковачевски и му рекоав дека ако некој во Македонија се чувствува навреден поради било што, иако за тоа јас не мислам дека постои причина, нема проблем, јас им се извинувам на Македонците, нашите браќа, ние немаме никаков проблем со нив. Но тој зборуваше многу, многу остро зборуваше кон Курти пред сите, што многумина ги изненади,“ изјави Александар Вучиќ.