ВИДЕО | Во Подгорица нов протест на опозицијата: „Никогаш Црна Гора за каква што сонува Вучиќ“
Во Подгорица вечерва се одржува третиот протест на опозицијата, предводен од Демократската партија на социјалистите (ДПС) на Мило Ѓукановиќ, против Законот за претседател.
Протестот наречен „Нѐ има” започна во 18 часот пред зградата на црногорскиот Парламент.
Граѓаните собрани пред Собранието носат транспаренти на кои пишува: „Почни да се грижиш затоа што и тебе те засега”, „Не те даваме Црна Горо”, „Со овие луѓе ти немаш ништо, одамна те продадоа”, „Не има! Не го даваме Уставот! Сакаме избори!”.
Da je vječna Crna Gora! pic.twitter.com/Ch2AYT03OI
— Predrag Bošković (@pedjabosskovic) November 28, 2022
На собирот присуствуваат потпретседателите на ДПС Јевто Ераковиќ и Абаз Диздаревиќ, како и генералниот секретар на партијата Александар Богдановиќ.
Насобраните, покрај црногорски знамиња, носат и знамиња на САД, ЕУ и Украина, пишува „Вијести”.
Тие бараат повлекување на, како што велат, „срамните измени на Законот за претседател”, кои, сметаат, претставуваат своевиден уставен удар.
Граѓанскиот активист Предраг Вушуровиќ изјави дека 35.000 луѓе ја потпишале петицијата за повлекување на Законот за претседател
„Никогаш Црна Гора за која сонува Вучиќ. Црна Гора застана“, рече Вушуровиќ и додаде дека сакаат стабилна Црна Гора, а не „спектакл на Дритан Абазовиќ“.
Исто така, бараат деблокирање на државните институции и распишување вонредни парламентарни избори,
И на 8 месецов илјадници демонстранти се собраа пред црногорскиот парламент барајќи повлекување на, како што тврдеа, неуставниот закон за претседател на Црна Гора и распишување вонредни парламентарни избори.