ВИДЕО: Вардар „на шкрги“ во Гостивар, риболовците бараат одговорност
Најголемата македонска река не наликува на себе во првиот град низ кој поминува, Гостивар, покажуваат денешните снимки кои на социјалните мрежи ги објави риболовното друштво „Баш Вардар“.
На снимката се гледа како Вардар, кој извира во силен извор (вруток) само неколку километри од Гостивар, во градот речиси и да е целосно пресушен. Според „Баш Вардар“, оваа состојба е резултат на „целосното запирање на водата во реката“, алудирајќи на тоа дека водотеците од кои се напојува изворот на Вардар се запрени во повисоките планински предели, за производство на струја.
„Почитувани спортисти, еве дел од она како резултат на целосното запирање на водата во реката Вардар, како во времето на неандерталците, додека државните институции… опишете го вие со два збора… верувајте дека ќе одговараат пред законот!“ – пишува во објавата од риболовното друштво.