Тиктокерка на својот профил сподели видео со листа на градови кои ги посетила сама, а каде што се чувствувала најнебезбедно. Иако досега ништо лошо не ѝ се случило, таа ги предупреди своите следбеници да внимаваат при посетата на споменатите градови.

Споделувајќи ја листата со повеќе од 300.000 следбеници, Клои Џејд истакна четири градови каде што се чувствувала небезбедно како соло-патник.

„Ова е видео кое беше побарано од многумина, па решив да го снимам“, започна таа.

Девојката, која „Дејли мејл“ ја претстави како професионалец во туризмот, нагласи дека никогаш не наишла на сериозни проблеми на овие места, но на своите следбеници им порача дека е важно секогаш да бидат „внимателни“ и „свесни“ каде и да одат. Клои додаде дека иако се чувствува „небезбедно“ во овие градови, нејзините искуства не треба да ги одвратат останатите од посета на овие „неверојатни“ места.

Еве ја нејзината листа:

Париз, Франција

Првата локација што оваа туристка ја посочи е Париз. Иако го посетила градот околу шест пати, таа се чувствувала најзагрозена при нејзиното прво патување. Клои, која тогаш имала само 22 години, рекла дека таму запознала локален жител, но ѝ станало јасно дека тие двајца имале „различни намери“.

Таа рече дека мажот ја „намамил“ да пие пиво со него и се обидел да ја натера да оди по темната улица подалеку од нејзината хотелска соба. Откако побегнала во хотелот, вели дека цела ноќ чувствувала ладна пот и се сомнева дека мажот дефинитивно ѝ ставил нешто во пијалокот.

Маракеш, Мароко

Клои рече дека додека уживала во патувањето каде што не се чувствувала „супер небезбедно“ во Маракеш, на нејзината пријателка од Турција не ѝ било удобно да шета по улиците на градот.

„Генерално, ми се допадна моето патување во Мароко и навистина уживав во времето во Маракеш, но Дилар беше со мене и не се чувствуваше супер безбедно на улиците на Маракеш. Тоа е многу стар град, има мали премини насекаде, иако јас лично не се чувствував небезбедно, многу млади момчиња беа прилично агресивни“, раскажа Клои.

Иако ништо лошо не ѝ се случило на ова патување, таа смета дека е важно да ја спомене оваа локација.

Патаја, Тајланд

Клои им порача на своите следбеници дека иако „апсолутно го сака“ Тајланд, тие треба да ја избегнуваат Патаја. Објаснувајќи зошто се чувствува небезбедно, таа рече: „едноставно е одвратно, има толку многу странци кои доаѓаат таму за кои знаете дека прават ужасни работи и тоа ме натера да се чувствувам крајно непријатно и небезбедно“.

Белград Србија

На крајот од нејзината листа беше и главен град на соседна Србија. Клои ги предупреди своите следбеници дека наишла на „непријателство“ кога шетала низ градот. Иако ништо лошо не ѝ се случило, таа вели дека доживеала неодобрување од моментот кога пристигнала.

Размислувајќи за тоа зошто е така, Клои им рече на своите следбеници: „генерално, мислам дека навистина не ги сакаат Американците“.

Во продолжение погледнете го видеото:

@chloejadetravels 5 places I felt unsafe in as a female traveler This was a video that was requested by many people so I decided that I should make it. I do wanna stress how important it is to just be vigilant and aware anywhere that you are as any person regardless of gender I also feel lucky that I have not run into more serious issues because I know a lot of women have All of these countries are amazing and you should not stigmatize any of these countries based on my experiences! This is where i felt safe: @@chloe jade – travel ##travelvlogger##marrakech ##femaletraveldestinations##pattayabeach##parisianlife##safetraveldestination##serbiatiktok ♬ Belonging – Muted