ВИДЕО | Руски трупи копале ровови во радиоактивно затруената почва во Чернобил
Руските трупи при неодамнешното повлекување од областа на нуклеарната централа Чернобил во Украина, многу веројатно поминале низ пределот наречен „Црвена шума“ кој има радиоактивно затруена почва и при тоа подигнале радиоактивна прашина.
На социјалните мрежи се појави видео во кое се гледа како руски сили копаат ровови во т.н. зона на исклучување во Чернобил. Станува збор за појас кој се протега на 30 километри околу нуклеарната централа во кој има високо ниво на радиоактивна прашина .
Видеото го сподели и Натан Русер, аналитичар во Австралискиот институт за стратешка политика.
These trenches dug by Russian forces during their invasion of the region were dug in the most irradiated areas of the Chernobyl Radiation Area, see this map of soil Caesium radiation around the disaster area, with the location of the trenches marked. No wonder some got sick. https://t.co/hbvVuatJS1 pic.twitter.com/kbBhfKR070
— Nathan Ruser (@Nrg8000) April 6, 2022
„Овие ровови беа ископани од руските сили за време на инвазијата на најозрачените области на Чернобил. Не е ни чудо што некои се разболеа – напиша Натан.
Инаку кон крајот на март, вработен во украинската агенција за управување т.н. зоните на исклучување, како онаа во Чернобил, објавија на Фејсбук дека некои војници биле пренесени во специјална медицинска установа со акутна радијациона болест. „Гардијан“ тогаш објави дека оваа информација не е потврдена.