ВИДЕО| Русија за втората експлозија на Крим во последниве 7 дена: „Таа е резултат на саботажа“
Русија призна дека детонирањето на муниција во воено складиште во регионот Џанкој на Крим било резултат на саботажа. Руското Министерство за одбрана соопшти дека е причинета штета на цивилни објекти, вклучително и далноводи, електрани, железници и станбени згради, но дека никој не е сериозно повреден во инцидентот.
Се преземаат неопходни мерки за отстранување на последиците од саботажа“, се наведува во соопштението.
Оштетена пруга на Крим.
#Dzhankoi in occupied #Crimea. pic.twitter.com/YZp1vk1Blj
— NEXTA (@nexta_tv) August 16, 2022
Како последица на експлозијата на магацинот за муниција на Крим, две лица беа повредени, а прекинт бепе и железничкиот сообраќај, изјави рускиот функционер Сергеј Аксјонов. Според извештаите, оштетена е железничката линија кон и на територијата на Крим.
Сергеј Аксјонов, административниот шеф на полуостровот, кој беше анектиран од Русија во 2014 година, рече дека возовите од Краснодарската територија ќе одат само до селото Владиславовка во близина на градот Феодосија, пренесува Би-Би-Си.
Патниците потоа можат да влезат во автобусот и да бидат превезени до најблиската автобуска станица, рече тој.
Официјален Киев за експлозиите на Крим
Украина официјално не ја потврди или негираше одговорноста за пријавените експлозии на Крим.
Сепак, советникот на украинскиот претседател, Михаило Подољак, по денешните експлозии твитна дека постои „висок ризик од смрт за напаѓачите и крадците“ во областа под руска окупација.
Morning near Dzhankoi began with explosions. A reminder: Crimea of normal country is about the Black Sea, mountains, recreation and tourism, but Crimea occupied by Russians is about warehouses explosions and high risk of death for invaders and thieves. Demilitarization in action.
— Михайло Подоляк (@Podolyak_M) August 16, 2022
„Утрото на Џанкој започна со експлозии. Потсетување: Крим на нормална земја е за Црното Море, рекреација и туризам, а Крим окупиран од Русите е за експлозии во магацини и висок ризик од смрт за напаѓачите и крадците. Демилитаризација во акција“, напиша Подољак.
Крим беше припоен кон Русија во 2014 година.
