Работник од Турција по име Хакан М., кој веќе неколку месеци не примал плата, одлучил на несекојдневен начин да му се одмазди на шефот, пренесува порталот „Хабертурк“.

Хакан работел на ископување на јаглен, а откако повторно не ја примил платата за своето работење, седнал во багерот и му уништил пет камиони на својот работодавец.

Сопственикот на компанијата е всушност вујко на Хакан, а изнервираниот работник сакал да направи уште поголема штета, но луѓето го спречиле во одмаздувачкиот поход.

Овој инцидент, кој се случил пред еден месец, е снимен и објавен на социјалната мрежа ТикТок. За кратко време стана вирален.

Видеото за два дена собра 7,5 милиони прегледи и повеќе од 25.000 коментари. Многумина напишаа пораки за поддршка на Хакан.

@xalo.yilmaz0676

sizce doğru birşeymi yaptı #işçiler #emekci #ekmekparası #inşaat #işçilerkardeşdir

♬ orijinal ses – tiktokyayini