ВИДЕО | Пановски: Терапијата што се дава во ковид – центрите во Скопје, треба да се дава и во центрите во внатрешноста
Универзитетски професор по микробилогија проф. д-р Пановски на покана од министерот за здравство, Венко Филипче ги посети ковид центрите на Интерните клиники, по што изготви стручно мислење во кое пишува дека протоколите за терапија и лекување на ковид пациенти се почитуваат, во ковид одделенијата има стручен лекарски тим и центрите се солидно организирани.
Професорот во дописот позитивно го оценува менаџирањето и стручноста на проф. д-р Дејан Докиќ кој е назначен за координатор на ковид центрите на Интерни клиники.
-Јас го испратив извештајот и дадов свое мислење. Јас сум стручен исклучиво за антибиотици само таа терапија ја гледав врз основа на клиничката слика, ренген, комјутерска томографија и лабораториски наоди. Но прошетавме по клиниките и многу позитивно се изненадив како сите добро функцинориаат и работат координирано под водство на пулмолог, рече д-р Пановски.
Тој посочува посочува дека освен во ковид-центрите на Интерните клиники, треба да се провери како се организирани ковид-центрите во внатрешноста. Во однос на терапијата и антибиотиците кои се даваат како лекување, професорот потенцира дека она што се дава во ковид – центрите во Скопје, треба да се дава и во центрите во внатрешноста и додава дека можно е помалку искусните лекари од страв да даваат лекови во поголеми дози и мислејќи дека му помагаат на пациентот, го прават обратниот – му штетат.
Целиот разговор со проф. д-р Пановски погледнете го во видеото:
