ВИДЕО: Нова година, стари навики – Јокиќ со историски трипл-дабл против најдобриот НБА тим
Во големото НБА дерби, водечките екипи на Западот и Истокот, Денвер повеќе од убедливо го совлада Бостон со 123:111. Во центарот на вниманието повторно беше кошаркарот на Нагетси, Никола Јокиќ.
Феноменалниот српски центар имаше учинок против Селтик од 30 поени, со по 12 скока и асистенции. Ова е деветти трипл-дабл за Јокиќ во сезоната, 91 во кариерата.
Србинот уште еднаш влезе во историјата на НБА, тој е првиот играч кој одигра три натпревари во историјата на најсилната лига во светот со трипл-дабл од најмалку 30 поени, со повеќе од 90,5 отсто „вистински шут“. Тоа е статистика која ги вклучува сите проценти, кога станува збор за шут за два, три поени и слободни фрлања.
Помина само 32 минути во натпреварот против актуелниот најдобар тим во НБА. Тоа беше сосема доволно бидејќи и останатите играчи на Денвер одиграа брилијантно. Брус Браун додаде 21 поен за победничкиот тим, Мајкл Портер додаде 19, Арон Гордон 18, а Бони Хиланд 17 поени.
Во редовите на Селтикси најдобар беше Џејлен Браун со 30 поени, додека Џејсон Тејтум мечот го заврши со 25 поени.
НБА лига, резултати –
Денвер – Бостон 123:111
Мемфис – Сакраменто 118:108
Милвоки – Вашингтон 95:118