ВИДЕО | Арсенал рутински го совлада Бормут и ја продолжи трката со Манчестер Сити
Екипата на Арсенал ја продолжи битката со Манчестер Сити за врвот на табелата во Премиер лигата откако денеска со 3:0 го совлада Бормут во рамките од 36. коло.
Од самиот старт Арсенал беше подобриот тим на теренот и создаваше шанси пред голот на Бормут кој беше инфериорен и ретко излегуваше од својата половина. Сепак резултатот беше отворен дури во завршницата од првиот дел кога Сака реализираше најстрога казна за 1:0.
Арсенал играше нешто поповлечено во вториот дел, а сите дилеми околу победникот беа решение на 20-тина минути до крајот кога Тросар по асистенцијата од Даклан Рајс зголеми на 2:0.
Три минути подоцна се тресеше и мрежата на Давид Раја, меѓутоа погодокот на Семенјо беше поништен поради прекршок во напад. До крајот на средбата поради недозволена позиција видовме и поништен гол на Габриел, a конечните 3:0 ги постави Рајс со голот во седмата минута од судиското продолжение.
На табелата Арсенал сега е лидер со 83 бода, Манчестер Сити е второпласиран со 79, но „граѓаните“ кои денес подоцна играат против Вулвс имаат и два натпревари помалку.