ВИДЕО: Нов руски напад во регионот на Лавов – погодена воена инфраструктура
Гувернерот на украинскиот регион Лавов, Максим Козицки на Телеграм објави дека во утринскиот напад на руските сили погодена е воена инфраструктура.
Тој наведе дека сè уште нема информации за евентуални жртви во нападот.
Се утврдува степенот на уништувањето, посочи Козицки.
Lviv this morning #Ukraine pic.twitter.com/KazFfC1ouY
— RoINTEL (@RoINTEL) May 15, 2022
Во следното соопштение на Телеграма, Козицки рече дека „четири непријателски проектили погодиле воен објект“. „Објектот е целосно уништен. Според првичните информации, нема загинати. Никој не побарал медицинска помош“, додаде тој.
Регионалната воздушна команда „Запад“ на украинските воздухопловни сили на социјалните мрежи објави дека од Црното Море се истрелани неколку проектили кон регионот Лавов. Две ракети се уништени пред да погодат цели, додаваат тие.