Вардар 1961 денеска беше совладан од Нексе во СЕХА Газпром лигата, а како што известуваат од таборот на „црвено-црните“ една од најслабите точки на натпреварот во Нашице беше одбраната.

На прес конференцијата после мечот не се појави првиот тренер на Вардар 1961, Стевче Алушовски, туку неговиот помошник тренер, Владо Недановски.

– Натпреварите против Нексе секогаш се тешки, имавме лош почеток, се вративме брзо во игра, но тоа не беше доволно. Имаме доста проблеми во одбрана, тоа добро го искористи Нексе. И на крајот заслужено домаќините победија – беа зборовите на Недановски.

Десниот бек Томислав Јагуриновски на денешниот меч еднаш се запиша во листата на стрелците.

– Многу лошо го стартувавме натпреварот, потоа почнавме добро да играме, се вративме, но бевме доста лоши во одбраната, исто и многу зицери не реализиравме. Му честитам на Нексе на победата и му посакувам сè најдобро во наредниот период – рече Јагуриновски.

Следниот дуел во регионалното натпреварување македонската екипа ќе го има в петок на домашен терен против украинскиот клуб Мотор Запорожје.

СЕХА: Цар „царуваше“ за Нексе, Вардар совладан и во Нашице!