Менаџерот на Тотенхем, Жозе Мурињо им ја честиташе победата на играчите на Динамо Загреб на стадионот „Максимир“.

Денеска на реванш натпреварот од осминафиналето во Лига Европа, „модрите“ ја анулираа негативата од првиот меч (0:2), и со 3:0 го елиминираа премиерлигашкиот гигант.

После одигрувањето на дуелот, Мурињо влезе во соблекувалната на хрватската екипа и им аплаудираше на играчите.

Ривалите му се заблагодарија, а Португалецот уште еднаш ја покажа својата класа и докажа дека е голем и во поразите.

Jose Mourinho walked into Dinamo Zagreb’s dressing room to congratulate them ?

(via @PeytonCity)pic.twitter.com/YyKzwm8uJr

— ESPN FC (@ESPNFC) March 18, 2021

– Верувам дека не бевме изненадени од Динамо затоа што пред натпреварот знаевме дека мора да играме за да победиме и да избегнеме да мислиме дека нерешен резултат или минимален пораз е во ред. Им реков да играат за да победат. Дури и на полувреме им реков да не веруваат во тоа што сега е 0:0. Моите играчи не беа изненадени.

Ставот на Динамо беше исправен. Тие беа мотивирани и желни, сакаа да докажат дека имаат талент и да му докажат на светскиот фудбалски пазар дека имаат квалитет. Јас само можам да го наречам професионализам затоа што за мене професионалноста започнува од став. Тоа е она што е важно, после тоа повеќе или помалку талент прави разлика, но ставот никогаш не треба да се доведува во прашање – рече Мурињо после натпреварот.