ВИДЕО: Меси конечно освои трофеј со Аргентина, „гаучосите“ триумфираа на Копа Америка
Аргентина е нов шампион на Јужна Америка, откако во најголемото репрезентативно дерби во светот, го совлдаа Бразил со 1:0 во финалето на Копа Америка. Голот вреден шампионска титула го постигна Анхел ди Марија во 21. минута.
Победата воедно значеше и конечно освојување на трофеј со репрезентацијата на еден од најдобрите фудбалери во историјата, Лионел Меси. Во кариерата Меси оги освои сите можни клупски трофеи како и индивидуачните признанија настапувајќи за Барселона, а сега конечно може да се пофали со трофеј освоен со репрезентацијата.
Estas fueron las acciones más destacadas del primer tiempo
Esses foram os lances destaques do primeiro tempo
🇦🇷 Argentina 🆚 Brasil 🇧🇷#VibraElContinente #VibraOContinente pic.twitter.com/vadkjCNa59
— Copa América (@CopaAmerica) July 11, 2021
Натпреварот беше одлучен во 21. минута кога е постигнат единствениот гол на натпреварот. До тој момент ништо посебно не се случуваше на теренот на славната „Маракана“. Родриго де Паул упати една топка кон Ди Марија, а на неа очајно реагираше дефанзивецот на Бразил, Лоди на кого топката му помина низ нозете. На неа натрча Ди Марија и мајсторски го лобуваше Едерсон.
¡El continente a sus pies! @Argentina levantando en andas a su líder y figura 🔟🇦🇷
🇦🇷 Argentina 🆚 Brasil 🇧🇷#VibraElContinente #VibraOContinente pic.twitter.com/5bEgzwcVqp
— Copa América (@CopaAmerica) July 11, 2021
До крајот на првото полувреме немаше големи возбудувања, освен еден обид на Нејмар од слободен удар.
Во второто полувреме, Аргентинците се повлекоа во својата половина и шансата ја бараа преку контранападите, додека Бразил предводен од Нејмар со сите сили се обидуваше да дојде до израмнување. Во 52. минута му беше поништен гол на Ришарлисон поради офсајд, а две минути подоцна истиот фудбалер пропушти одлична шанса да израмни. Последната шанса на натпреварот ја имаше резервисот Барбоса во 83 минута но голманот на Аргентина, Мартинез го одбрани неговиот удар.
¡LO LINDO DEL FÚTBOL! Emotivo abrazo entre Messi 🇦🇷 y Neymar 🇧🇷 ¡ÍDOLOS!
🇦🇷 Argentina 🆚 Brasil 🇧🇷#VibraElContinente #VibraOContinente pic.twitter.com/ecknhlv2VI
— Copa América (@CopaAmerica) July 11, 2021
Лионел Меси очекувано беше прогласен за најдобар фудбалер на турнирот, на седум натпревари постигна четири гола и имаше пет асистенции.
Ова беше вкупно 15. триумф на Аргентина на Копа Америка со што се израмни со Уругвај на првото место на вечната листа, а воедно е прв трофеј на „гаучосите“ по пауза од 28 години.