Социјалдемократот Олаф Шолц од денеска и официјално е новиот канцелар на Германија. Ангела Меркел по 16 години заминува во политичка пензија, а со видео што ѝ го посвети францускиот претседател Емануел Макрон ѝ се заблагодари за сè што направила да се придвижи Европа напред.

„Ти благодарам, драга Ангела, што никогаш не ги заборави лекциите од историјата, што направи толку многу за нас, со нас, за да ја придвижиме Европа напред“, напиша Макрон во објавата на Твитер заедно со видеото.

На видеото се прикажани инсерти од снимање заеднички изјави и од средби на кои двајцата се смеат, прегрнуваат и разговараат. Во него се вклучени и делови од говорот на Макрон до Меркел за време на нејзината проштална посета на Бон пред нешто повеќе од еден месец. Во деловите од говорот кои се дел од видео-збогувањето, францускиот претседател ѝ кажува на поранешната канцеларка дека многу работи го научила и го прифатила како млад, темпераментен претседател.

Merci, chère Angela, de n’avoir jamais oublié les leçons de l’Histoire, d’avoir tant fait pour nous, avec nous, pour faire avancer l’Europe. Danke, dass du die Lehren der Geschichte nie vergessen und so viel für und mit uns getan hast, um Europa voranzubringen. pic.twitter.com/zYfiGUNQcf

— Emmanuel Macron (@EmmanuelMacron) December 8, 2021