Во Љубљана вечерва дојде до судири меѓу демонстранти и полиција за време на протестите за кои стои организацијата „Анонимус Словенија“. Маскирана група на луѓе се судри со полициски сили на Плоштадот на Републиката, а целата ситуација се претвори во драма, пренесува словенечко „Дело“.

Полицијата користеше водени топови и солзавец за растерување на демонстрантите. На местото на инцидентите стигна и министерот за внатрешни работи, Алеш Хојс.

Според словенечкиот весник, демонстрантите се поделиле во групи и на неколку локации во главниот град се судрија со полицијата. Градот го надлетуваат хеликоптери, на улиците може да се слушнат експлозии додека има информации и за повреден новинар. Очевидци велат дека меѓу демонстрантите има и фудбалски хулигани, пишува „Дело“.