ВИДЕО | Хју Џекмен: Ако го номинирате Рајан Рејнолдс за Оскар, мојот живот ќе стане неподнослив
Актерот Хју Џекмен објави шеговито видео во кое ја моли американската Академија за филмски науки и уметности да не го номинира неговиот колега Рајан Рејнолдс за филмската награда Оскар.
Имено, Рејнолдс е во потесниот круг за номинација за најдобра песна – „Good Afternoon“ од божиќниот филм „Spirited“, во кој глуми со Вил Ферел.
„Ми се допадна ’Spirited‘ како филм, го гледав со целото семејство и навистина уживавме. Го сакам Ферел, ја сакам Октавија Спенсер и ја сакам песната ’Good Afternoon‘. Се смеев во текот на целиот филм и тој е брилијантен“, вели Џекмен.
Шегата продолжува со тоа што Џекмен вели дека неговиот живот ќе стане неподнослив ако Рејнолдс ја добие номинацијата.
„Но, ве молам од сѐ срце, ве молам не го земајте предвид Рајан Рејнолдс во номинациите за ‘Оскар’. Ако Рејнолдс добие номинација во категоријата за најдобра песна, мојот живот би бил неподнослив следната година. Знаете, јас морам да ги снимам ’Wolverine‘ и ’Deadpool‘ со Рејнолдс оваа година. Ако ја добие таа номинација, ќе биде невозможно да снимаме со него и тоа ќе биде голем проблем“, додаде Џекмен.
View this post on Instagram
Како што е општо познато, Рејнолдс и Џекмен се блиски пријатели и честопати се задеваат во јавноста, а токму ваквите видеа им се омилени на нивните обожаватели.
Како одговор, Рејнолдс го сподели видеото на Џекмен на својот Инстаграм и напиша хумористичен коментар.
„Знам дека сѐ уште е рано, но убаво попладне и вам, г. Џекмен“, напиша Рејнолдс.
View this post on Instagram