Денеска во 18 коло од најквалитетната шпанска фудбалска лига екипата на Рајо Ваљекано загуби на домашен терен со 1:0 од Валенсија.

По првото полувреме немаше голови, а гостите својот гол го реализираа во 61 минута преку Канос по асистенцијата на Лопез.

Целиот меч за домаќините го одигра македонскиот репрезентативен голман Столе Димитриевски.

Веќе осум мечеви по ред во шампионатот играчите на тренерот Франсиско Родригез немаат победа што доведе до голем пад на табелата. Последниот триумф го имаа на 22 октомври на гости кај Лас Палмас (1:0).

Моментно во генералниот пласман на „Ла Лига“ тимот на Рајо Ваљекано е на 11 позиција со 20 бодови, три помалку од Валенсија на 10 место.

Следниот лигашки меч фудбалерите на Рајо Ваљекано ќе го имаат на 2 јануари на гостувањето кај Хетафе.