ВИДЕО: Дебакл на Хрватите, Данска во Париз го урна светскиот шампион
Лош старт во Лигата „А“ од Лигата на нации имаше репрезентацијата на Хрватска која на стадионот во Осиек загуби убедливо од Австрија со 0:3.
По првиот дел водеа гостите со голот на Арнаутовиќ во 41 минута, а во вториот дел за период од три минути постигнаа уште два преку Грегорич и Сабицер.
Актуелниот светски шампион Франција ги разочара своите навивачи, откако во Париз загуби од Данска со 1:2.
Иако „триколорите“ беа во предност од 51 минута со погодокот на Бензема, гостинската селекција направи пресврт благодарение на Корнелиус кој двапати стрелаше во мрежата на Љорис.
На табелата во групата „1“ со по три бода водат Австрија и Данска, а ниту еден Франција и Хрватска.
Лига на нации, резултати –
Лига „А“
Белгија – Холандија 1:4
Хрватска – Австрија 0:3
Франција – Данска 1:2
Лига „Ц“
Казахстан – Азербејџан 2:0
Белорусија – Словачка 0:1
Лига „Д“
Летонија – Андора 3:0
Лихтенштајн – Молдавија 0:2