Манчестер Сити со убедлива победа од 5:0 го победи Хадерсфилд и така се пласираше во следното коло од ФА Купот, а на овој натпревар по пауза повеќе од три месеци настапи Кевин Де Брујн.

Де Брујн во игра влезе во 57-та минута и беше асистент на Грилиш при поставувањето на конечниот резултат. Натпреварот беше отворен по нешто повеќе од половина час игра кога Фоден ја погоди мрежата на Хадерсфилд, четири минути подоцна Алварез се погрижи за 2:0.

Со предност од два гола Сити замина на паузата, а потоа во вториот дел Џексон си постигна автогол, додека втор гол пред погодокот на Грилиш постигна Фоден.

Вест Хем не ја оправда фаворитската улога против Бристол Сити и одигра само 1:1, па така ќе мора да игра уште еден натпревар.

ФА Куп резултати:

Лутон – Болтон 0:0

Нотингем – Блекпул 2:2

Патербороу – Лидс 0:3

Шрусбери – Врехам 0:1

ВБА – Алдершот 4:1