Македонскиот репрезентативец Теодор Симиќ и неговиот Борац од Бања Лука, ги запреа кошаркарите на Пелистер, победија со убедливи 89:67 денеска во рамките од АБА 2 лигата.

Кошаркарите на Пелистер го одиграа својот шест натпревар во регионаната конкуренција,. Пред себе имаа еден квалитетен противник, со ист скор на табелата во претходните два „балони“ (4-1). И кој беше подобар ривал во текот на сите 40 минути.

За битолската екипа доминираше Американецот Карутерс со 19 поени, следен од Босанецот Хаџифејзовиќ со 15 поени, а на спротивната страна Ребец постигна 15 поени, додека Симиќ придонесе со девет коша.

По шест кола во регионалното натпреварување, Пелистер има скор (4-2) на шестото место, додека претставникот од Босна и Херцеговина е на втората позиција на табелата (5-1).

Следното седмо коло, кое ќе стартува утре, од 15.00 часот, ќе го отворат екипите на ТФТ и на сараевски Спарс (БиХ).