ВИДЕО: Барса и Ренџерс не дозволија изненадување во Лига Европа
Вечерва ги дознавме првите четири екипи кои обезбедија пласман во четвртфиналето во Лига Европа, тие се Аталанта, Ренџерс, Барселона и Брага.
Аталанта по вторпат успеа да го совлада Баер Леверкузен (0:1) овојпат на гостински терен со голот на Бога во финишот од средбата (90+1`).
Црвена звезда не успеа да ја анулира негативата од првиот меч против Ренџерс кој триумфираше со 3:0. На возвратната пресметка во Белград домаќините остварија триумф од 2:1 што не беше доволно за пласман во следната фаза.
А добро започна мечот за белградските „црвено-бели“ со голот на Иваниќ уште во 10 минута. За Шкотите израмни Кент во 56 минута, а конечниот епилог го постави Ел Фарду Бен од пенал (90+3`).
По првите 90 минути на „Камп Ноу“ мрежите мируваа, што беше одлична можност за Галатасарај во Истанбул да изненадат, но тоа не го дозволи каталонскиот гигант.
Барселона славеше со пресврт (1:2), најпрвин огромна радост за домашните навивачи донесе Маркао во 28 минута, за нов егал се погрижи Педри во 37 минута, а во 50 минута Обамејанг ја донесе победата за гостите.
Монако и Брага ремизираа на реваншот со 1:1, а благодарение на победата од 2:0 во првиот меч, Португалците обезбедија пласман во четвртфиналето. Руиз во 20 минута донесе предност за гостите, а израмни Дисаси во 90 минута.
Лига Европа 2021/2022
Осминафинале (во заграда се резултатите од првите натпревари)
Баер Леверкузен – Аталанта 0:1 (2:3)
Црвена звезда – Ренџерс 2:1 (0:3)
Галатасарај – Барселона 1:2 (0:0)
Монако – Брага 1:1 (0:2)