ВИДЕО: Аталанта славеше во Монца и се врати на врвот во Серија А
Фудбалерите на Аталанта го победија тимот на Монца со 2:0 денеска на гостински терен во петтото коло од Серија А.
Со овој триумф Аталанта дојде до 13 бода, со што го презеде врвот на табелата, пред Наполи и Милан кои имаат по 11, односно Удинезе и Рома кои имаат по 10.
Во локалното дерби Монца беше достоен противник, особено во првото полувреме. Во воведните минути имаше дури три шанси, преку Мота, Аугусто и Сенси, но Аталанта успеа да ја зачува мрежата.
По почетниот притисок Аталанта ја презеде иницијативата и целосно ја презеде контролата во вториот дел. Хојлунд беше во центарот на вниманието, кој прво имаше одлична шанса, а потоа постигна гол. Првично беше поништен, но по ВАР асистенцијата беше потврдено водството на клубот од Бергамо.
Осум минути подоцна беа решени сите дилеми, Марлон, во желбата да ја отстрани опасноста, си постигна автогол и ја удвои позитивата на Аталанта.
Се одигра уште еден меч во италијанскиот шампионат, Салернитана ремизираше на гостувањето кај Емполи со 2:2.