ВИДЕО АНКЕТА| Без гужви и турканици, граѓаните задоволни од текот на вакцинација против сезонски грип
Почна вакцинацијата против сезонски грип. Повеќе од 30 илјади граѓани кои изразиле интерес да се вакцинираат против сезонски грип, а се во ризичните групи. Министерството за здравство обезбеди 60 илјади вакцини против сезонски грип, кои се четиривалентни.
„Слободен печат“ ги праша граѓаните дали се задоволни од тоа како тече вакцинацијата и дали често се вакцинираат? Голем дел од нив велат дека често се вакцинираат и генерално се задоволни од текот на вакцинацијата.
На прашањето која е причината поради која примате вакцина, граѓаните велат дека ја примаат да се заштитат од сезонски грип.
– Не очекувам нус појави од вакцината. Еднаш годишно се вакцинирам, едно седум-осум години заедно доаѓаме со сопругот и си примаме вакцина- вели една скопјанка.
Друг објаснува дека нема гужва во пунктовите.
-Се вакцинирам поради безбедност, да не се разболам од грип, ние сме сепак во години- вели постар господин.
Целата анкета на колешката Агнеса Чаволи погледнете ја овде: