Во недела на 11 септември во спортската сала „Билјанини извори“ во Охрид ќе се одигра Суперкуп натпреварот за сезона 2021/22 помеѓу екипите на РК Вардар 1961 и РК Е. Пелистер.

Организатор ќе биде ГРК Охрид заедно со Ракометната Федерација на Македонија (РФМ).

Шампионот на минатогодишното првенство, скопскиот Вардар, ќе се сретне со финалистот од Купот на Македонија 2022, Е. Пелистер од Битола.

Двете екипи минатата сезона се сретнаа во финалето од Суперкупот на Македонија што се играше во Скопје во СЦ „Борис Трајковски“ – Скопје, а на таа средба славеше Е. Пелистер со резултат 22:31.

Во изминатиот период скопските „црвено-црни“ доживеаја елиминација во четвртфиналето на СЕХА Газпром лигата, а во истото натпреварување Е. Пелистер дома против белорускиот Мешков Брест брка полуфинале.