Вардар 1961 и Е. Пелистер ги дознаа ривалите во СЕХА лигата
Новата сезона во СЕХА Газпром лигата се очекува да стартува во февруари, а во која Македонија ќе ја претставуваат две екипи, Вардар 1961 и Е. Пелистер.
Тие ќе играат во истиот систем како и претходните натпреварувачки години, што значи дека двете најдобри екипи од двете групи на крајот од групната фаза ќе одат во четвртфиналето, а третопласираните и четвртопласираните ќе се најдат во осминафиналето.
Извршниот одбор на СЕХА лигата одлучи актуелниот шампион Веспрем на нашиот репрезентативец Дејан Манасков, како и Мешков Брест (поради проблеми со коронавирусот) да не играат во групната фаза, туку натпреварувањето да го започнат од четвртфиналната фаза.
ГРУПА А: ППД Загреб (Хрватска), Е. Пелистер (Македонија), Партизан (Србија) и Татран Прешов (Словачка).
ГРУПА Б: Вардар 1961 (Македонија), Мотор Запорожје (Украина), Нексе (Хрватска) и Војводина (Србија).