Украина ќе го ангажира Славен Билиќ за дуелот со Македонија во квалификациите за ЕП 2024?
Поранешниот хрватски селектор, Славен Билиќ е еден од кандидатите да седне на клупата на украинската фудбалска репрезентација.
Оваа информација ја објави еден од најпознатите новинари за трансфери, Фабрицио Романо кој тврди дека Билиќ е доста ценет во Украинската фудбалска федерација.
Доколку наскоро дојде до промена на селекторската функција на Украина на која моментно е Руслан Ротан, главните луѓе на федерацијата би можеле да преговаат за нов кормилар.
Украинците ги стартуваа квалификациите за Европското првенство 2024 со пораз од Англија на гости (2:0), а се наоѓаат во група со Италија, Македонија и Малта.
Токму македонската А селекција е следниот ривал на Украина во квалификациите на 16 јуни во Скопје на Националната арена „Тодор Проески“.
Да потсетиме дека Билиќ поради лошата серија на резултати само пет месеци беше менаџер на Ватфорд.
Understand Slaven Bilić is a candidate to get the Ukraine national team job in case the Federation will decide for an imminent change 🇺🇦 #Ukraine
Talks will take place to decide on the coach situation with Bilić appreciated and free after Watford chapter closed. pic.twitter.com/aEbCFHB0we
— Fabrizio Romano (@FabrizioRomano) April 3, 2023