Триумф на Работнички, Гостивар го растури Кожув
Кошаркарите на Работнички со 97:81 го совладаа Куманово во рамки на 11 коло од првата кошаркарска лига. Клучен момент за триумфот беше третата четвртина која тимот од Градски парк ја доби со 31:13 по што рутински ги одработи последните 10 минути од натпреварот.
Мустафица со 24 и Пол со 23 поени беа најдобри кај Работнички, додека кај Куманово се истакна Абром со 19 постигнати поени.
Убедлив триумф оствари и тимот на Гостивар кој со 97:68 го победи Кожув. Домаќинот немаше никакви проблеми против Кожув, по израмнетата прва четвртина (24:22), во втората предноста на Гостивар стана двоцифрена (45:35) за во второто полувреме да се зголемува за убедлив триумф од 31 поен разлика.
Тодоровиќ со 28 поени и 9 скока беше прво име кај Гостивар, додека Симоновски со 16 поени се истакна кај Кожув.
Претходно, уште поубедлив триумф оствари Еуро Никел кој со 101:46 ги совлада Ангели, додека Феникс како гостин со 71:69 го победи вториот тим на МЗТ Скопје.