Триумф на Хамилтон на 1.000 трка во Формула 1 – Слободен печат
ОстанатoСпорт

Триумф на Хамилтон на 1.000 трка во Формула 1

Возачот на Мерцедес триумфира на трката за Големата награда на Кина која беше јубилејна 1.000 во историјата на мото спортот

Луис Хамилтон ја оствари втората победа сезонава во Ф1 шампионатот и 75. во кариерата откако беше најбрз на патеката во Шангај која се возеше за Големата награда на Кина. Најблискудо Хамилтон беше неговиот клупски колега од Мерцедес, Валтери Ботас, а место на победничкиот подиум се најде уште и за возачот на Ферари, Себастијан Фете л.

Јубилејната 1.000 трка не донесе премногу возбудувања, дилемите околу победникот беа решени уште на првиот свиок во кој Хамилтон успеа да го претекне Ботас, веднаш направи солидна предност и до послениот круг немаше потреба да погледнува во ретровизорот бидејќи на крајот предноста изнесуваше 6.5 секунди, а речиси индентична разлика имаше и Ботас пред Фетел кој пак имаше тимска помош.

Имено во 11. круг од Ферари му наредија на вториот возач Шарл Леклерк да го пропушти Фетел на третата позиција бидејќи има темпо идентично на лидерот Хамилтон.  На крајот Леклерк кој не смееше да го претекне Фетел, ја загуби четвртата позиција од Макс Верстапен.

По три трки, лидер во генералниот пласман е Хамилтон до 68 бодови, три повеќе од Ботас, а трет е Верстапен со 39 бодови.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close