Либанскиот министер за здравство Хамад Хасан изјави за телевизијата Ал-Манар дека во експлозијата во Бејрут настрадале вкупно 135 лица, а повредени се околу 5.000. Стотина луѓе се уште не се пронајдени, а се верува дека се затрупани под урнатините, најверојанто мртви.

Потресни сведоштва од Бејрут: „Видов војна, снимав војна, ова е апокалипса“(ФОТО+ВИДЕО)

„За жал, бројот на починатите по експлозијата се зголемува“, рече Хасан и додаде:

„Повредени има најмалку 5.000 и моментално примаат лекарска помош во Бејрут и надвор од градот“, рече тој.

Либан денеска прогласи вонредна состојба од две недели за градот Бејрут, по катастрофалната експлозија во вторникот во пристаништето.

СТРАОТНИ СНИМКИ ОД БЕЈРУТ, небото се затемни, луѓето преплашени: Најмалку 30 загинати и повеќе од 500 повредени (ВИДЕО)

Либанската Влада прогласи „вонредна состојба во градот Бејрут на две недели, изјави министерот за информации Манал Абдел Самад на прес-конференција, објаснувајќи дека „врховниот воен орган веднаш ќе биде надлежен за безбедносните прашања”.

Владата, исто така, одлучи да ги стави во домашен притвор сите службеници од пристаништето во Бејрут, задолжени за надзор и безбедност на магацинот.

Не е јасно колку од нив ќе бидат во домашен притвор и какви функции извршувале.

Војската ќе проверува дали го почитуваат домашниот притвор се додека не се утврди одговорноста за вчерашната експлозија.