ТРАГЕДИЈА ВО РУСИЈА: Осум лица загинаа во пожар, помеѓу нив и четири деца (ВИДЕО)
Осум лица, вклучувајќи и четири деца, загинаа во пожар во станбена зграда во сибирскиот град Краснојарск, соопштило руското министерство за вонредни ситуации.
ТАС наведува дека експертите на руското министерство за вонредни ситуации, откако извршиле увид, размислуваат дека краток спој е најверојатната причина за пожарот во зградата.
Експертите наведуваат дека е можно краткиот спој да настанал заради стари жици кои не можеле да поднесат висок напон.
„Несреќата се случила вечерта, кога сопствениците на становите и нивните гости спиеле, што довело до нивната смрт“, навеле надлежните.
Пожарот избил околу 22.30 вчеравечер на третиот кат, а пожарникарите стигнале на лице место осум минути по повикот.
Пламенот бил изгаснат околу 22.36.
Извор од локалната администрација рекол за ТАС дека во пожарот загинал обвинителот Василиј Федорчов.
„Во пожарот настрадаа обвинителот и неговата фамилија, како и фамилијата на неговата сестра“, навел изворот на ТАС.
Истрагата за пожарот е во тек.