Том Хенкс ќе биде домаќин на свечената програма на инаугурацијата на Бајден
Актерот Том Хенкс ќе биде домаќин на свечената програма на инаугурација на Џо Бајден на 20 јануари, објавија организаторите на настанот.
Во специјалната емисија, што ќе трае 90 минути и ќе се вика „Ја славиме Америка”, ќе учествуваат и други познати личности во САД, како Џон Бон Џови, Деми Ловато, Џастин Тимберлејк и Ент Клемонс.
Бајден и потпретседателката Камала Харис ќе положат свечена заклетва на 20 јануари и ќе одржат воведен говор на церемонијата.
Програмата ќе се емитува на „Си-Би-Ес“, „Еј-Би-Си“, „Си-Ен-Ен“, „Ен-Би-Си“, МСНБЦ и ќе се емитува на Јутјуб, на Фејсбук, на Твитер и некои други онлајн платформи.