Ригорозните правила на кралското семејство велат дека на војвотката од Кембриџ за време на денот и е забранет предметот кој е симбол на нивниот статус.

Војвотката од Кембриџ, Кејт Мидлтон како членка на кралското семејство мора да се придржува на бројни правила.

На јавноста и е познато дека жената на принцот Вилијам не смее да носи лак за нокти во боја или голи рамена, но постојат и некои правила за кои помалку се зборува.

Батлерот на кралското семејство Грант Харолд, тврди дека постојат парчиња накит кои се дозволени да се носат само навечер, односно по 18 часот, дури и доколку сте принцеза.

Станува збор за тијарите, накитот кој е резервиран само за омажените жени, а и тие смеат да ги носат само навечер. Исклучок се венчавките, па така Меган Маркл смееше да носи тијара на денот на венчавката со принцот Хари.

Пред официјално да станат дел од кралското семејство, ниту Меган ниту Кејт Мидлтон не смееа да носат тијара во јавноста.

– Тоа е симбол на статусот и показател дека сте зафатени и не барате маж. На мажите тоа им дава јасен знак да не се обидуваат да ви се додворуваат, тврди кралскиот батлер Грант.

Спротивно на верувањата, овие дами од кралството можат да носат дијаманти во текот на денот, но сепак почесто ги носат за време на раскошните вечерни случувања.

На денот на својата венчавка Меган носеше тијара од кралицата Мери направена во 1932 година. Пред неа во јавноста последен пат ја носеше принцезата Маргарет во 1965 година.