Три малолетни момчиња, чијашто точна возраст не се соопштува, се приведени вчеравечер откако со автомобил во кој имале пиштол и марихуана, тргнале од Тетово за Скопје, соопшти полицијата.

„На 05.09.2022 во 22.00 часот на регионалниот пат Тетово-Скопје, кај клучка Групчин, полициски службеници од Полициското одделение Групчин лишиле од слобода двајца малолетници од Тетово и еден малолетник од с.Голема Речица, тетовско. При преглед кај лицата и во возилото „Сеат Ибица“ со тетовски регистарски ознаки, кое го управувал малолетникот од Голема Речица, кај едниот малолетник од Тетово биле пронајдени марихуана, пиштол „Woltra Combat“ калибар 9мм без документи и една дробилка“, велат од МВР.

Тројцата биле приведени во полициска станица и во присуство на нивните родители, со нив бил извршен службен разговор. По целосно документирање на случајот против нив ќе бидат поднесени соодветни пријави, пишува во полициското соопштение.